Милојко Мајк Вучелиќ, проект-менаџерот на историската мисија „Аполо 11“, почина во САД, на 82-годишна возраст. Замина две недели по смртта на Нил Армстронг, првиот човек кој стапна на Месечината.
Мајк Вучелиќ е роден во 1930 година, во Гарешница, Хрватска. Дипломирал во 1954 година на Машинскиот факултет во Загреб, како млад инженер започна да работи во Мерцедес-Бенц во Германија.
На покана на роднини во 1956 оди во САД со 50 долари во џебот. Во Америка, тој прво работеше на изградба на мали авиони, а потоа во 1962 година, се приклучи на програмата „ Аполо“. Кога во 1969 година„ Аполо 11“ беше лансиран, Вучелиќ беше во контрола на летот во Хјустон.
„ Тешко е да се опише расположение кога слетаа на површината на Месечината. Контролорот ми рече: “Тоа е невозможно, ние сме на Месечината”, а јас одговорив: “Тоа е невозможно, но тоа беше нашата цел”, изјави во едно интервју Вичелиќ
Тој во 1975 година ја напушти вселенската програма и отиде во претприемнички води. Но до последните денови од неговиот живот со голема страст ја следеше американската вселенска програма, и се дружеше со пријателите и колегите од “Аполо” мисиите.