Најдлабоката точка на континенталната кора на Земјата е идентификувана во источниот Антарктик, под глечерот Денман, пренесуваат странските медиуми.
Овој кањон исполнет со мраз достигнува дури 3,5 километри под морското ниво, пренесува Би-Би-Си. Откритието е илустрирано во новата карта на Белиот континент што открива форма на корито под ледениот слој.
Карактеристиките на овa корито ќе бидат клучни за нашето разбирање за тоа како може да се промени поларниот југ во иднина.
За споредба, најниката точка досега беше измерена на брегот на Мртвото Море и е само 413 метри под нивото на морето.
„Ова несомнено е најточна слика за она што се наоѓа под ледената плоча на Антактикот. Рововите во океаните се подлабоки, но ова е најдлабокиот кањон на копно”, објасни Матиу Морлигем, која шест години работеше на проектот за откривање на најдлабоки точки на Земјата.