Пејачката и актерка Оливија Њутн-Џон, која глумеше во филмот „Брилијантин“ и имаше неколку хит песни во текот на нејзината кариера, почина на 73-годишна возраст, беше објавено на нејзината официјална страница на Фејсбук.
Актерката почина утрово во својот ранч во Јужна Калифорнија, опкружена со семејството и пријателите, се вели во објавата.
Њутн-Џон почина по долга борба со ракот на дојката, потврди денеска нејзиното семејство, објавуваат светските медиуми.