Македонскиот туристички и летен клултурен центар, Охрид со овој продолжен празничен викенд влезе во шпицот на главната туристичка сезона.
Преполнетите плажи, колоните возила кон излетничките места, како и преполните паркинг простори, говорат дека Охрид деновиве е исполнет со гости и викендаши.
Хотелиерите и оние кои нудат приватно сместување се задоволни, иако слободни места се уште има. Задоволни се и сопствениците на ресторани и кафулиња кои се исто така, полни во претпладневните и вечерните часови.
Од странство најбројни се гостите од Холандија, потоа од Србија и Бугарија.За викендот допатуваа многу гости од земјата, пред се, сопственици на викендички и станови од Скопје, Битола и други места.
Во прилог на туристите се и бројните културни манифестации.Театарски и музички претстави на фестивалот „Охридско лето”, бројни изложби, настапи на пеjачи на отворено и во рестораните, диџеи во ноќните клубови.
Од петокот навечер, Охрид пулсира во вистинска летна атмосфера.
Извор: Мета