Младите нуркачи Даниел Атанасоски, Александар Рувинов и Никола Паскали од нуркачките клубови „Ботом тиме” од Охрид и „Акватек” од Скопје на посебен начин ја пречекаа Новата година.
Тие во водите на Охридското езеро кај населбата Сараиште, на длабочина од десет метри и на температура на водата од 8 степени цезиусови со подводна санка донесоа новогодишни пакетчиња за најмладите.
Ова несекојдневно доживување го следеа и многу туристи пред се странски кои со внимание ја следеа од крајбрежје авантурата на нуркачите.
Во Охрид годинава Дедо Мраз со подароците пристигна од длабочините на Охридското езеро.