Во Македонската опера и балет вечер ќе биде изведена обновената опера „Лидија од Македонија“ на композиторот Ристо Аврамовски, во режија на Пламен Карталов од Бугарија и диригентство на Алесандро Д’ Агостини од Италија.
Солисти во оперската претстава се Весна Гиновска-Илкова, Игор Дурловски, Горан Начевски, Ѓорѓи Цуцковски, Ернес Ибраимовски, Ана Ројдева-Талевска, Олгица Милевска, Марика Поповиќ, Катерина Бошковска, Игор Гиновски, Димитар Кожухаров, Дејан Стоев, Зоран Даскаловски, Кристијан Антовски, Викторија Јанкуловска и Драган Ампов.
Операта во два чина беше праизведена на 9 мај 2005. Автори на либретото се Ги Шелеи и Дора Петрова од Франција, а на препевот – Лилјана и Јордан Плевнеш.
Изведбата на „Лидија од Македонија“ во МОБ е централна манифестација на одбележувањето 68 години од ослободувањето на Скопје.