Од годинава победникот на Евровизија ќе се избира според нови правила. Од сега секоја песна ќе се оценува, а изведувачите поради измените ќе мора подеднакво да и се допаднат и на жирито и на публиката.
Се очекува со измената да се намали „соседското“ гласање.
До минатата година пракса беше врз основа на мислењето на стручното жири и гласовите од публиката да се доделат бодовите само за 10-те најдобри песни.
Односно, на основа на мислењето на жирито 10-те најдобри композиции добиваа 12, 10, 8, 7 поени и така се до еден.
Истата процедура се повторуваше и врз основа на гласовите од публиката.
Од оваа година жирито врз основа на своето мислење ќе ги рангира сите песни (освен од својата држава), од најдобра (редно место 1) до најлоша (редно место 25).
Истата процедура ќе се повторува и за гласовите од публиката.
Редните места потоа ќе се соберат и песната која што има најмалку поени ќе добие 12 поени.
Елена Георгиевска