Новата „Мис на светот“, 23-годишната Филипинка Меган Јанг, пред една година се сликала во провокативни пози за списанието „Руж“.
Овие фотографии веднаш се појавија на социјалните мрежи по саботиниот избор на Јанг за „Мис на светот 2013“ на Бали.
По објавувањето на фотографиите некои медиуми, но и поединци, го покрена прашањето за одземање на круната на Јанг, оценувајќи дека „најубавата девојка на светот“ треба да биде пример и олицетворение на достонство и чесност.
Јанг, како и првите луѓе на организацискиот одбор на изборот за „Мис на светот“, засега не ги коментираа спорните фотографии.
Ако на Јанг навистина и биде одземена титулата, нова „Мис на светот 2013“ ќе стане нејзината прва придружничка, Марин Лорфелин од Франција.