Веројатно не постои месец во годината во кој сезонската храна е здрава и вкусна како во јули. Во овој месец можеме да уживаме во најсочното летно овошје, но и во свежиот зеленчук.
Праски
Една праска со средна големина покрај убавиот вкус на нашиот организам ќе му обезбеди многу влакна, витамин Ц и А. Витаминот А му помага на нашиот организам да одржи баланс на течности во текот на долгите летни месеци, а витаминот Ц прави чуда за имунолошкиот систем на кожата, особено во летниот период кога таа често е изложена на агресивни сончеви зраци.
Домати
Една порција исецкани домати даваат доза на витамин Ц која е еднаква на една третина дневни потреби на човекот, а со оваа количина домати обезбедуваме и исто толкава доза на витамин А.
Доматите се богати со витамините Б6, Е и К, а содржат и влакна.
Доматите содржат и ликопен, моќен антиоксиданс што помага во борбата со некои видови рак, но и со кардиоваскуларното здравје.
Пченка
Пченката е богата со влакна и преполна е со вода. Во неа има многу витамин Ц, а еден клас содржи десет отсто од вкупната количина на овој витамин која ви е потребна во текот на денот.
Лубеница
Додека растат температурите, резанка сочна лубеница, која е полна со вода, ќе ви обезбеди да останете хидрирани. Со оглед дека 92 отсто од лубеницата е вода, таа има многумалку калории, а ќе ви помогне да се наполните со течност. Таа исто така содржи витамини А и Ц, а во неа има ликоден и бета каротен.