Откако на Јутјуб се прошири видео од концерт на украинската победничка на овогодишниот Евросонг, Џамала на која таа една година пред натпреварот ја изведува победничката евровизиска песна, се огласи и Европската радиодифизна унија (ЕБУ), која објави свое видување на контровезното случување на Изборот за песна на Евровизија.
– Правилото на Евровизија кое гласи дека пријавените песни не смеат да бидат комерцијално објавени пред 1 септември преходната гоидна, е со цел на Изборот да учествуваат нови песни секоја година и сите да имаат еднакви услови, наведува ЕБУ во соопштението
И во минатото некои песни беа јавно достапни пред посочениот датум, но не беа достапни на пошироката публика со што им беше дозволено учество на Евровизија.
Случајот со Џамала и песната „1944“ го привлече вниманието на ЕБУ поради снимка од настап на 18 мај 2015 година. Снимката на малиот концерт била прегледана само неколку стотина пати до моментот кога е откриена пред неколку дена.
ЕБУ затоа водејќи се од предходните искуства, одлучи дека објавеното видео не и дало предност на Џамала и дека песната според правилата може да се натпреварува.