Словачки лекари отстраниле бенигнен тумор тежок шест килограми, кој „му висел“ на вратот на Штефан Золеик од словачкото село Штијавник и му претставувал огромен проблем при нормалното функционирање и комуникацијата со луѓето.
Золеик, огромното масно ткиво кое постепено се зголемувало го имал повеќе од десет години, а лекарот кој го оперирал призна дека за време на неговата 30-годишна пракса првпат се среќава со таков случај, јави дописникот на МИА од Прага.
Во медицината, ова заболување е познато како Маделунгов деформитет, кој предизвикува раст на масно ткиво без јасни граници.
– Луѓето се вртат кон мене, покажуваат со прст. Не ми е пријатно, а и не можам слободно да ја вртам главата, изјави Золеик пред операцијата.
По завршувањето на операцијата, која траела пет часа, пациентот бил пресреќен откако прв пат се видел во огледало.