Сиромашните дебели њујорчани отсега во лекарската ординација ќе можат да добиваат бонови за овошје и зеленчук, кои ќе можат да ги трошат во 140 њујоршки продавници.
Целта на иницијативата е да им се помогне на семејствата со слаба финансиска состојба, на кои поради високите цени често им е недостапна здравата храна, и затоа често посегаат по евтината „брза храна“.
Пациентите ќе бидат во можност да добијат ваучери за сите членови на своето семејство во противредност од еден долар дневно по лице во текот на најмалку четири месеци.
Овие рецепти ќе се обновуваат во болниците, каде на дебелите луѓе ќе им биде проверувана телесната тежина и каде ќе можат да добијат стручни совети за здравата исхрана.