Баба Ирма од Италија одлучила во својата 93 година да отпатува за Кенија, но не за туристички разгледувања, туку да волонтира во дом за деца без родители.
Фотографијата на Ирма на која со една рака се потпира на бастун, а со другата влече црвен куфер, на социјалните мрежи ја сподели нејзината внука.
– Погледнете, никој не може да ја запре, напиша внуката под фотографијата.
Ирма веќе подолго време поддржувала дом за деца без родители во Кенија, а ова е прв пат како волонтира таму.
Таа има три деца, кои ги пораснала сама откако останала вдовица на 26. години.