Истражувањето на американски научници од Пен Стејт колеџот по медицина го поврза конзумирањето мрсна храна со зачестеното чувство на замор.
Резултатите од студијата се темелат на следење на 31 здрав испитаник со нормална телесна маса на возраст од 18 до 65 години.
Се покажало дека поголем внес на мрсна храна во исхраната бил поврзан со поспаност во текот на денот и тешкотии во одржување на концентрација.
Наспроти тоа, поголем внес на јаглехидрати доведувак до полесно одржување на концентрација.
На наодите не влијаеле фактори како староста, полот, индексот на телесна маса, вкупното траење на сонот и вкупниот внес на калории.
Претходните истражувања веќе го поврзуваа високиот удел на масти во исхраната со поголем ризик од срцеви заболувања и некои облици рак.