Голем мозаик во форма на солза со ликот на балканската поп – ѕвезда Тоше Проески изработи Ристо Тошески – професор по физичко воспитување од Прилеп.
Големо дело за голем човек, претставува Мозаикот за Тошески кој макотрпно го работел 4 години. Секое камче го има изработено рачно, воден од голема љубов кон Тоше на мозаикот решил и го изработил ангелот од Курбиново, 26 цвеќиња кои ги симболизираат годините на Проески, две цреши и виолинскиот клуч. 
Тука, вели Тошески е и пораката која беше заштитен симбол на Тоше „Ве сакам сите“.
Мозаикот ќе биде поставен во центарот на градот во близина на домот за култура „Марко Цепенков“. Ќе биде сместен во мало езерце, автентично уредено и со специјални ефекти осветлено и дење и ноќе. Ликот на Тоше ќе одблеснува од водата. 
Се очекува да биде поставен до 16 октомври – денот кога трагично загина Тоше близу Нова Градишка во Хрватска.