Промените на современото живеење не го одминаа ниту популарниот Дедо Мраз на канадскиот шопинг центар „Јоркдејл“.
Имено, оваа година „Јоркдејл“ реши да понуди нешто поинаков Дедо Мраз, кој нема „стомаче“, застарен црвен костум и мали тркалезни очила, туку тренди гардероба, динамичен начин на живот и витка става.
Модерниот Дедо Мраз е дел од кампањата наречена „Фешн Санта“ во која во улогата на „симпатичниот старец“ се јавува манекенот Пол Мејсон, кој позира во облека што може да се купи во продавниците во „Јоркдејл“.
Шопонг центарот најави и дека за секоја „селфи“ фотографија со модерниот Дедо Мраз објавена на социјалните мрежи со хаштагот „#YorkdaleFashionSanta“. ќе донира по еден долар за фондацијата за болни деца „СикКидс“. Според магазионот „Оз“, на овој начин „Јоркдејл“ веќе донирал над 10.000 долари.
Популраноста на модерниот Дедо Мраз отиде до таму што „селфи“ со него објави и пејачот Џастин Бибер.
