Под мотото „Јога вежби и техники за надминување на напнатоста и стресот“, денеска Фондацијата „Уметност на живеење Македонија“ и Индиската амбасада од Бугарија ќе го одбележат Меѓународниот ден на јогата.
Во Градскиот парк, кај Школката предвидено е да се обратат претставници од Министерството за здравство и од Индиската амбасада.
Учесниците ќе можат бесплатно да вежбаат јога во природа и да се запознаат со техники за надминување на напнатоста и стресот. За учесниците се обезбедени маица, здрав појадок и вода.
Минатата година Собранието на ООН ја усвои резолуцијата за воведување на Меѓународниот ден на јогата, која беше поддржана од 177 држави во светот.