Лицата кои често се лутат и тешко им простуваат на другите, изложени се на поголем ризик од срцев удар во однос на другите, кои не се злопамтила, покажа истражување спроведено на Стенфорд.
Овие лица страдаат и од болки во грбот и главоболки.
Доколку му простите на партнерот што ве изневерил или ако му упатите насмевка на досадниот возач кој постојано ве претекнува, ќе си направите себе си услуга.
Научниците утврдија дека простувањето е клуч на здрав и урамнотежен живот. Лицата кои се подготвени да ги заборават несогласувањата, во помала опасност се да заболат од депресија, болести на срцето, мозочен удар и рак.
Доколку помните лоши работи, постојано ќе стравувате дека некој од блиските луѓе повторно ќе ве изневери, што долгорочно гледано, ви го нарушува здравјето, вели др. Фред Лускин, психолог од Стенфорд.
„Коктелот“ од негативни емоции доведува до зголемен крвен притисок, а може да влијае и на ослабнување на меморијата.
Нервозните и конфликтни луѓе почесто добиваат срцев удар, што може да биде и фатално.