Новиот закон усвоен во Кина предвидува брачните двојки кои сакаат да се разделат, да мора да чекаат да помине едномесечен период на „оладување“ пред да поднесат формално барање за развод.
Регулативата е дел од првиот граѓански законик во Кина и има за цел да го намали бројот на барања за развод, а интересно е што авторите прво посочија дека периодот треба да трае цели 12 месеца.
Сепак, едномесечниот период на „оладување на чувствата“, што нема да важи доколку барањето за развод се поднесе поради семејно насилство, предизвика голем број негативни коментари меѓу корисниците на кинеските социјални мрежи.