Во Келн, „престолнината“ на карневалскиот живот во Германија, во понеделникот, на „чист понеделник“ паѓаа бомбони од небото, а по земјата шетаа маски на политичари, а меѓу нив и розе „гица“, со ликот на канцеларката Ангела Меркел.
Низ воздухот се ширеше музика и лебдеа „духови“ на доброто расположение на „петото годишно време“, како што долж Рајна популарно се нарекува ова време на карневалите.
Келн, во кој првиот „Rosenmontagszug“ бил оддржан во 1823 година, во понедeлникот го славеше почетокот на Велигденскиот пост и завршницата на карневалот на 48 дена пред Великден, а околу 7,5 километри долгиот „воз“ со 150 вагони, 12.000 учесници, 120 музички групи и околу 500 коњи, беше и најдолгиот и најголемиот и најшарениот во Германија, велат вљубениците во „петото годишно време“.
На улиците на градот на катедралите, во ритмот на музиката, луѓето се забавуваа, а можеа да се видат маски од неколклу десетици до неколку стотици евра, убави мажореткињи, храбри каубојци и страшни пирати, но и бубамари и бебиња со „цуцли“ од шишиња пиво.
Слично беше и во Диселдорф и во Мајнц, како и во другите германски градови.
Во Келн имаше карневалска музика, врева, забава, веселби, но и тажни кловнови и Индијанаци и римски воини и ангели и ѓаволи и „надарени“ медицински сестри.
Во овој град на катедрали и 2.000 години долга историја, „шопинг метропола за сечиј вкус“, град со повеќе од 40 музеји и околу 3.300 кафеани, во понеделникот секој се забавуваше на свој начин.
На ладното време и, во денот кога многумина не работат, се собраа „ реки од луѓе“ да уживаат во убавината на карневалот и на повеќе од сеедум километри долгиот „воз “.
Вредните статистичари пресметаа дека на годинешниот „Rosenmontagszug“ биле фрлени тони и тони слатки, чоколади, пралини, цвеќе, кадифени играчки, топчиња и други подароци.