Српската пејачка Јелена Карлеуша реагираше на социјалните мрежи на резултатите од парламентарните избори во Србија и поразот на партијата на Александар Вучиќ. Во низа објави таа изрази незадоволство од изборниот исход.
Во една од објавите, во која ги означи претприемачот Илон Маск и американскиот претседател Доналд Трамп, Карлеуша оцени дека почнало уништувањето на нејзината држава.
The destruction of my country has begun. Out of a population of 7 million, 2 million Serbs voted for anarchy, violence, and the collapse of the state. They were misled, deceived, and now it is too late.
My heart breaks for the children.Serbia has fallen.
@elonmusk @realDonaldTrump— Jelena Karleuša (@karlinbich) October 27, 2026
„Од седум милиони луѓе, два милиони Срби гласаа за анархија, насилство и уривање на државата. Беа доведени во заблуда и измамени, а сега е предоцна. Срцето ми се крши поради тие деца“, напиша Карлеуша.
Пејачката објави и други коментари за изборните резултати.
„Кога сите непријатели на Србија и на српскиот народ честитаат, ЗНАЕТЕ дека сме на*бале“, напиша таа, споделувајќи објава на Кристијана Аманпур, долгогодишна новинарка и главна меѓународна дописничка на Си-Ен-Ен.
Аманпур ѝ ја честиташе победата на студентската листа и оцени дека станува збор за важен момент за демократијата во Србија.
Во друга објава, Карлеуша напиша: „Што си направија Србите самите на себе, и тоа во моментот кога најдобро ни одеше“.
Kada svi neprijatelji Srbije i srpskog naroda cestitaju, ZNATE da smo najebali.
— Jelena Karleuša (@karlinbich) October 26, 2026
Таа, исто така, праша: „Вучиќ изгуби, а кој победи, се знае ли кои се тие?“.
Карлеуша, која е позната по јавната поддршка за Вучиќ, за време на претходните студентски протести ја повикуваше полицијата да интервенира против демонстрантите.
Според медиумските написи, во последниот период на пејачката ѝ се откажуваат настапи, а нејзините концерти бележат послаба посетеност.