Иран создаде сопствена електронска пошта, соопшти иранската државна телевизија. Иранскиот министер за комуникации и информациска технологија Мохамад Хасан Нами изјави дека соодветниот софтвер бил изработен од ирански експерти.
Тој најави дека со новиот систем секој Иранец ќе добие автоматски и-мејл. Според официјалната статистика, во земјата со население од 75 милиони лица има околу 32 милиона интернет корисници.
Иранските власти долги години ја разгледуваа можноста за создавање национална електронска пошта, со што ќе се олесни контролата врз интернет комуникацијата.
Во Иран се забранети странските виртуелни мрежи кои дозволуваат слободно користење на интернетот, како и посетување на сајтови кои иранските власти ги имаат забрането.