Социјалната мрежа Инстаграм започнува да ја тестира употребата на вештачка интелигенција (ВИ) за да утврди дали децата лажат за својата возраст на апликацијата, објави денеска матичната компанија Мета Платформи.
Компанијата соопшти дека веќе некое време користи вештачка интелигенција за одредување на возраста на луѓето, но дека апликацијата за споделување фотографии и видео сега „проактивно“ ќе бара сметки на тинејџери за кои се сомнева дека се тинејџери, дури и ако внеле погрешен датум на раѓање кога се регистрирале, објави АП.
Како што беше најавено, ако се открие дека корисникот на Инстаграм погрешно ја прикажува својата возраст, сметката автоматски ќе стане тинејџерска сметка, која има повеќе ограничувања од сметките за возрасни.