Хрватски државјанин кој пред речиси три години побегнал од хотел во Дубровник без да ја плати сметката „тешка“ речиси 6.000 евра, уапсен е пред два дена на аеродромот во Загреб, кога се обидел да влезе во земјата.
Како што соопшти полицијата, во септември 2018 година, стигнала пријава дека 49-годишен жител на Загреб престојувал во хотелот во јадранскиот град во периодот од 25 август до 3 септември таа година, користејќи додатни хотелски погодности, по што избегал без да ја плати големата сметка.
По должникот тогаш била распишана потерница, а тој е уапсен на 13 јули годинава, кога пристигнал на загрепскиот аеродром. Осомничениот е испитан во полициската станица во Дубровник, а потоа, со поднесена кривична пријава, е предаден на притворски надзорник.
Човекот од моментот кога побегнал од хотелот во Дубровник, до моментот на апсењето, бил надвор од земјата, соопшти хрватската полиција.