Истражен судија во Хрватска му одреди притвор на 42-годишен жител на градот Велика Горица кај Загреб, кој преку ГПС-уред за сателитско следење и лоцирање го следел движењето на неговата поранешна невенчана сопруга.
Како што соопшти обвинителството, притворот е одреден поради опасност од повторување на кривичното дело, пренесува Индекс.хр.
Кршејќи ја општата одредба за заштита на личните податови на Европската унија, осомничениот на 29 октомври поставил ГПС-уред во делот со осигурувачите на автомобило кој го користела неговата невенчана сопруга, која сега му е бивша, тврди обвинителството.
По пат на апликација на неговиот мобилен телефон, осомничениот воспоставувал врска со ГПС-уредот и потоа неовластено прибавувал податоци за движењето на неговата бивша сопруга цели четири и пол месеци, до 15 март оваа година, кога таа го пронашла уредот, додаваат обвинителите.