Додека фановите со нетрпение ја очекуваат секоја епизода од новата сезона на Game of Thrones, хакери објавија дека ги имаат „украдено“ наредните епизоди и се закануваат дека ќе ги пиратираат пред нивната премиера.
Имено, како што пренесува „Ентертејнмент Викли“, заштитата на ХБО е пробиена, и оттаму се преземени 1,5 терабајти податоци. Од украдените фајлови, хакерите пуштија онлајн необјавени епизоди од сериите Ballers и Room 104, како и трејлери за следната четврта епизода од Game of Thrones.
Од ХБО го потврдија хакирањето, но не открија што се се наоѓа во посед на хакерите, кои се закануваат и дека „наскоро следи уште повеќе”.
Киберкриминалците испратија дел од хакираната содржина и до одредени новинари.
