Вечерва завршува музичкиот дел од „Струмица Опен Фестивал“ со настапот на српската пеачка Светлана Ражњатовиќ Цеца на полноќ. На плоштадот во Струмица за концертот на Цеца се очекува присуство на околу 100.000 луѓе.
Пред нејзниот концерт, настап имаат повеќе пеачи и музички групи од земјава, а забележливо е големо присуство на бугарски и грчки државјани кои доаѓаат организирано со автобуси во Струмица преку целиот ден.
Покровител на фестивалот е општина Струмица, а за настапот на Цеца се издвоени 30.000 евра .
Ова е прва година на „Струмица Опен Фест “ кој како културно-забавен фестивал почна во понеделникот на повеќе локации во градот.