Охрид денес по неколку месечниот длабок зимски сон се врати во живот. Градот го раздвижија домашните и странски гости кои дојдоа во Охрид за Новогодишните празници.
По чаршија и градскиот кеј можеа да се забележат туристи од Србија, Грција, Црна Гора и Бугарија.
Најбројни се Србите и Бугарите и тоа гости од помладата генерација кои направиле резервации во неколкуте кафулиња и ноќни клубови во градот.
Убавото и пријатно време за прошетка со температура од 9 степени го искористија и охриѓани, а новогодишната атмосфера ја надопоплнува и убаво украсената чаршија и паркот покрај кејот.
