Фотоапаратот „Leica“, со кој Дејвид Даглас Данкан го документирал животот на уметникот Пабло Пикасо е продаден за рекордни 1.68 милиони евра, соопшти австриската фото-галерија Vestliht.
Произведена во 1955-тата година „Leica m3d“ е едната од четирите било кога направени и цената по која е продадена постигна рекорд во однос на комерцијално-произведените фотоапарати, пренесува АП.
Галеријата соопшти дека втората највисока цена е понудена за позлатената Leica од 1939-та година која е продадена за 1.02 милиони евра.
96-годишниот Данкан, некогашен фотограф на списанието „Life“, е еден од највлијателните американски фото-репортери на XX век. Бил близок пријател на Пабло Пикасо и има објавено над стотина ексклузивни фотографии од шпанскиот уметник.
