Во водите на Охридското Езеро во Заливот на коските во Градиште, денеска членовите на нуркачкиот центар „Амфора“, Клубот за подводни активности „Охрид“ во соработка со Сојузот за подводни активности на Македонија, по тринаесетти пат ја накитија подводната новогодишна елка.
Елката во Охридското Езеро е поставена на длабочина од неколку метри.
– Ние се обидуваме со минимални средства да организираме една убава забава. Како прво го правиме првенствено за нас, правиме промоција на Охридското Езеро, на градот Охрид на нашата држава, изјави Горан Балески, кој и оваа година ја имаше улогата на подводен Дедо Мраз.
Во китењето на подводната елка учествуваа триесетина нуркачи, меѓу кои имаше и деца. Тие под вода наздравија со безалкохолен шампањ, а Дедо Мраз ги даруваше со подароци.
Фото: Охридњуз