Американскиот актер и добитник на Оскар, Форест Витакер првпат ќе игра на Бродвеј во драмата Хјуџи, на Јуџин О’Нил.
Тој ќе го игра ликот на Ери кој раскажува своја приказна на слушател во лоби на запуштен хотел.
Пред Витекер, Ери на Бродвеј го играа Џејсон Робардс во 1964 година, Бен Газера 1975 година и Ал Пачино во 1996 година.
Новата адаптација на делото на американскиот театарски писател и добитник на Нобелова награда за книжевност е на режисерот Мајкл Грендиџ. Витакер доби Оскар за улогата на Иди Амин во „Последниот крал на Шкотска“ во 2006 година.