Новата египетска министерка за здравство Хала Зајед издаде декрет со кој се наредува во државните болници насекаде низ Египет, секое утро преку разглас да се интонира националната химна, а потоа да се емитува и Хипократовата заклетва.
Оваа одлука предизвика негодувања, но и шеги на социјалните мрежи, но Зајед тврди дека нејзината одлука ќе придонесе за промовирање на патриотизмот и лојалноста и ќе ги потсетува лекарите на принципите на хуманост и на нивниот професионален етички кодекс.
Некои коментари се однесуваат и на тоа дека министерката треба да се фокусира прво на подобрувањето на условите во здравстевените установи.