Џенифер Лопез е загрижена за Бен Афлек бидејќи актерот поради пожарот во Лос Анџелес бил принуден да го напушти својот дом во Пацифик Палисадес вреден 20,5 милиони долари.
Според Page Six, извор близок до ѕвездата рекол дека Лопез е загрижена откако дознала дека Афлек е евакуиран. И покрај тоа што неодамна се разведоа, тие останаа во контакт.
„Џенифер беше загрижена за Бен во текот на целото ова ужасно искуство и му даде до знаење дека е тука за него и децата. Таа ја понуди својата поддршка за се што им треба и рече дека ќе им помогне на секој начин“, рече изворот, осврнувајќи се на неговите деца што ги дели со Џенифер Гарнер.
Инаку, Бен Афлек беше евакуиран во вторникот вечерта и моментално живее со својата прва поранешна сопруга Џенифер Гарнер. Меѓутоа, во средата актерот се вратил на својот имот откако дознал дека се уште не е во опасност од пожарот.
Ben Affleck had the emotion of the devastating fire written all over his face, as he was evacuated from his home and raced to the home of his ex-wife. pic.twitter.com/xqq8AVZyxv
— TMZ (@TMZ) January 9, 2025
“Палатата на Бен се уште е под наредба за евакуација, но тој е многу благодарен што неговиот имот засега е безбеден. Тој познава многу луѓе кои за жал ги загубија своите домови. Видел многу уништувања и тоа е повеќе од само трагедија. Бен посегнува до сите на кои може да им помогне“, рече друг извор.
Сепак, други познати личности како Парис Хилтон, Адам Броди, Мел Гибсон, Мајлс Телер, Џејми Ли Кертис и неколку други немаа толку среќа бидејќи нивните имоти изгореа до темел.
За потсетување, од вторникот, најмалку 10 луѓе загинаа во шумските пожари што ја зафатија пошироката област на Лос Анџелес, а најмалку 10.000 имоти се уништени.