Во ТЦЦ Плаза од утре до недела ќе се одржува четвртиот Интернационален танго маратон „Маратангон“, кој го организира танцовиот клуб „Фамилија Тангови“ од Скопје.
На тридневниот маратон во аргентинско танго ќе учествуваат играчи од десетина европски земји (Србија, Грција, Бугарија, Хрватска, Словенија, Германија, Италија, Полска, Турција…) и 60-ина танчари од Македонија. На дневните и ноќните игранки ќе има и четворица странски диџеи.
„Маратангон“ се одржува секоја година во октомври, а годинава првпат на нова локација – во ТЦЦ Плаза во Тафталиџе. Маратонот не е натпреварувачки и учеството е по избор на заинтересираните вљубеници во тангото.
– Маратонот нема натпреварувачки карактер. Учесниците се индивидуалци коишто се регистрираат за да дојдат на настанот. Доаѓаат по сопствена волја, учествуваат, комуницираат меѓу себе, изјави Марија Бејкова, инструкторка во „Фамилија Тангови“.
