Во едно британско епидемиолошко истражување е испитана поврзаноста на конзумирањето различни слатки пијалоци со ризикот од развој на дијабетес тип 2.
Во анализата се користени детални податоци за прехранбените навики кај околу 25 илјади мажи и жени, на возраст меѓу 40 и 79 години кои учествувале во истражувањето.
Испитаниците биле следени 11 години, а во текот на овој период кај 847 од нив се појавил дијбетес.
Резултатите од истражувањето покажале дека со зголемениот ризик од дијабетес е поврзано честото конзумирање на засладени безалкохолни пијалоци и млечни напитоци, но и безалкохолни пијалоци со вештачки засладувачи.
За разлика од тоа, внесувањето на овошни сокови, засладен чај и кафе не придонело за зголемување на ризикот.
Експертите процениле дека замената на засладените пијалоци и млечните напитоци со вода, незасладен чај или кафе, може да го намали ризикот од дијабетес од 14 до 25 отсто.