Порталот Брејкинг.нет на сатиричен начин ја претстави „кризата“ во Соединетите американски држави за кочењето и недонесувањето на буџетот.
Според веб сајтот, деблокирањето на постапката и изгласување на американскиот буџет ќе донесе нови кино сали, концерти, а најголем револт кај актерите во Холивуд предизвикал односот на Републиканците, кои во опасност го довеле јазикот културата и уметноста со неносењето на буџетот.
Колку чини нашиот јазик, нашата култура, нашиот идентитет. Колку чини остварувањето на сонот на Волт Витмен, Марк Твен, Т.С. Елиот и на многу генерации актери, сценаристи, музичари, балетани, сликари. Сите овие објекти вработуваат луѓе, но и отвараат можност за вработување на млади луѓе, наши колеги, уметници – изјави актерот Џерард Батлер кој доби силен аплауз од членовите на Академијата за филм.
Неизгласувањето на буџетот говори за вулгарната егзекуција на Холивуд и негoвата задача да засмејува истовремено и да го корегира општеството. Ако оваа криза продолжи во прашање ќе бидат доведени и Оскарите – изјави Џулија Робертс.
Секој ден сè повеќе расте и револтот кај американските пензионери, социјалци и стечајци кои ги загубиле рабтните места заради скорешната рецесија во Америка. Со протест пред Сенатот и овие американски граѓани повторно побараа разумност од републиканските членови на овој законодавен дом.