Бразилскиот пејач Џејмерсон Јувенал, попознат по неговото уметничко име Рафа Диниз, се удави во реката Сао Франциско во источен Бразил.
Трагедијата се случи на 21 март Диниз го снимаше својот нов спот, а како што изјави неговиот продуцент Џони Силва, пејачот скокнал во реката за потребите на спотот.
Меѓутоа, кога се обидел да исплива надвор, го фатила силна струја.
“Сакаше да се фати за столбот и го фати струја. Сфативме дека не може да излезе и струјата го понесе. Бевме горе на мостот и истрчавме да се обидеме да го спасиме, но залудно, водата го однесе. Само спасувачите успеаја да го пронајдат неговото тело”, рече продуцентот.
Cantor Rafa Diniz morre após se afogar no São Francisco; assista #AgoraCNN pic.twitter.com/Tt92HQXsIq
— CNN Brasil (@CNNBrasil) March 22, 2025
Рафа Диниз даде значаен придонес во жанрот бразилски Arrocha, објавувајќи седум албуми, со популарни песни како „E Agora Sonho Meu“ (2025), „Aliança“ (2025), „Plantão no Boteco“ (2024) и „Mulher Segura“ (2023).
Неговата ненадејна смрт ги шокираше неговите обожаватели, но и пошироката музичка заедница.
Роден на 18 јуни 2002 година, Рафа не беше посветен само на својата музика, туку и на своето семејство.
Зад себе ја остави сопругата Рафаела Каролина и двете мали ќерки Марија Сесилија Соуса и Марија Валентина Соуса.
Додека семејството, пријателите и обожавателите тагуваат, полицијата започна истрага за да ги утврди околностите на неговата смрт.