Поранешниот германски тенисер Борис Бекер, своевремено тренер на Новак Ѓоковиќ, предизвика бура на социјалните мрежи поради неговите коментари за теоријата на заговор за Адолф Хитлер, но набрзо се огласи и изјави дека неговата објава е погрешно протолкувана.
Имено, Бекер сподели објава на корисник на мрежата „Х“, во која лажно се тврди дека Хитлер ја преживеал Втората светска војна и побегнал во Јужна Америка. Во англискиот коментар, Бекер напиша:
– Што не е во ред со сите тие филмови кои тврдат дека Хитлер умрел во Германија и Австрија…
Објавата брзо привлече внимание, а во четвртокот се огласи неговиот адвокат, кој посочи дека Бекер немал намера да ја поддржи теоријата на заговор, туку сакал да изрази изненадување од објавата.
– Ако неговиот твит бил погрешно разбран, тој се кае и веднаш го избришал – изјави адвокатот за ДПА.
Без разлика што на интернет со години се присутни разни теории за наводното бегство на Хитлер, нема докази дека нацистичкиот лидер ја преживеал војната. Адолф Хитлер се самоубил на 30 април 1945 година во бункер во Берлин, а неговите останки подоцна биле идентификувани.
Француските научници во 2017 година ги анализираа забите на Хитлер, кои се наоѓаат во Москва, и потврдија дека станува збор за автентични остатоци, што дополнително го потврди знаењето на историчарите.