Манохар Аиќ е поранешен Мистер универзум, а тој се уште крева тегови и активно се занимава со боди билдинг, а на 17 март оваа година, ќе го прослави својот 101. роденден.
Висок е само 150 сантиметри. Се борел со сиромаштија, бил во затвор, и доживеал мал мозочен удар. Неговата тајна е дека не треба да го сфаќате животот премногу сериозно.
Роден е во малиот град Комила во Бенгал, и се приклучил кон кралската авијација во Индија под британската колонијална управа. Тогаш почнала неговата опсесија со боди билдинг. Британскиот офицер Руб Мартин го охрабрил да тренира со тегови, и за брзо време добил пофалби од другите членови на авијацијата.
Подоцна, завршил во затвор поради протестирање против колонијалната власт.
Во затвор почнав да тренирам сериозно. Тоа ми помогна да се подготвам за светското првенство. Тренирав без опрема, некои денови, и по 12 часа во денот – вели Аиќ.