Истражувањата на аеродинамиката покажале дека еден од најпопуларните светски суперјунаци, Бетмен – човекот лилјак, би можел дури и да лета само со помош на својата наметка, но би претрпел сериозни повреди при слетувањето.
Студентите по физика од универзитетот во Лестер тврдат дека би летал толку брзо што не би го преживеал слетувањето.
Тие сакале да видат дали неговата наметка со ширина од 4.5 метри е доволна да му овозможи лет над Готам. Кога би скокнал од 150 метри висока зграда, би летал околу 350 метри, а брзината би се зголемила на дури 110 км на час, пред да се спушти на константните 80 км/ч. Ударот во земјата при таква брзина не би го преживеал.
Групата од 400 студенти на крајот констатирала дека сепак овој супер јунак со себе би требало да понесе и падобран.