Ана-Мари Стивенс (52), од Вестклиф во Велика Британија, загина во сообраќајна несреќа неколку месеци откако освоила 13.000 фунти (околу 15.000 евра) на лотарија.
Нејзината дваесет и тригодишна ќерка ја преживеала несреќата.
Екипите на итната помош пристигнале на местото на несреќата во четвртокот, а потоа ги однеле Стивенс и нејзината ќерка во болница.
И покрај напорите на лекарите, таа починала. Нејзината ќерка е во стабилна состојба, а повредите не се опасни по живот.
Полицијата на местото на несреќата го уапсила 31-годишниот возач на „сузуки“ поради сомнение дека возел под дејство на алкохол.
Пријателите ја опишуваат Ана-Мари Стивенс како прекрасна и грижлива жена која прерано ја нема.
„Оваа загуба е апсолутно потресна“, изјавил еден од нејзините познаници.
Ана-Мари Стивенс зборуваше за британските медиуми откако победи на лотарија и откри дека сумата ја потрошила за да го спаси саканото милениче кое било отруено во паркот.
Кучето починало и покрај високите трошоци за ветеринарите.