Во пресрет на 61. издание на Евровизија што се одржува во Стокхолм, Амбасадата на Шведска во Македонија организира гледање на финалната вечер.
Настанот „Ајде да гледаме Евровизија заедно“ е под годинашното евровизиско мото „Да се обединиме“ и ќе се одржи в сабота, под отворено небо на плоштадот „Јадран“, пред Амбасадата со почеток во 20:30 часот.
Слоганот „Да се обединиме“, како што информира Шведската амбасада во Македонија означува славење на она што ги обединува Европејците: силна верба во важноста на креативноста, културата, разновидноста и едноставно заедничката забава.
И настанот на плоштадот „Јадран“, како што се наведува, цели низ заедничка забава да се слави културата, разновидноста и креативноста.