Кралицата Елизабета првпат во 3Д техника го одржа нејзиниот традиционален говор по повод Божик, во кој оддаде почит на спортистите на Олимписките и Параолимписките игри и им се заблагодари на Британиците за свеченостите за нејзиниот јубилеј.
Секој 25 декември, од кога стапи на престолот, освен во 1969 година, кралицата се обраќа до Обединетото Кралство и Комонвелтот. Но оваа година, кога го прослави дијамантскиот јубилеј (60 години владеење), Бакингам сакаше да направи нешто посебно и тој говор е објавен во 3Д техника.
Тие кои немаат соодветен телевизски приемник можеа да ја видат кралицата во стандарден формат. Таа им заблагодари на искажаното заедништво и пријателство во текот на прославата на дијамантскиот јубилеј.
Вчера изутрина Елизабета во Сандрингам беше на божиќна миса со нејзиното семејство, но без Кејт и Вилијам.