Јавниот обвинител Марко Зврлевски и претседателот на Советот на јавни обвинители, Петар Аневски по трет пат ќе се обидат да извршат избор на четири обинители во Обвинителството за организиран криминал, дознава А1он.
Првиот пат, пропадна обидот бидејќи не собра дволен број гласови од обвинителите – членови на Советот за да го изгласаат денвниот ред, а во вториот обид немаше кворум за одржување на седницата. Еден член на Советот на јавни обвинители ја напушти седницата и таа беше укината поради немање кворум за работа.
Потегот на Зврлеевски следува дури и откако владата покрена иницијатива за негово разрешување. И Зврлевски и Аневски досега го толерираа присуството и гласањето на Зоран Сулејманов кој уште пред три месеци ги исполни условите за пензија и по сила на закон нема право ниту да присуствива, ниту да гласа.
Со изборот на овие обвинители кои ги “турка“ Зврлевски, би се обезбедила доминација во најважниот оддел, јавното обвинителство за организиран криминал.