Министерот за животна средина и просторно планирање, Муамет Хоџа нагласи дека Министерството континуирано продолжува со спроведување на мерки против аерозагадувањето. Потенцира дека се спроведува Акцискиот план, кој е на сила од ноември 2025 година.
-Министерството контринуирано продолжува со спроведување на сите мерки кои имаат иста цел – подобрување, односно заштита на амбиентот од загадување. Во тек е Акцискиот план кој се спроведува, краткорочен и конкретен план, кој Владата го има изгласано во октомври и е на сила од ноември 2025 година до март 2026 година. Загадувањето е еден проблем кој ги загрижува сите граѓани и тие треба да живеат во подобар воздух, рече Хоџа одговарајќи на пратеничкото прапање на пратеникот на Левица, Реџеп Исмаил.
Потенцира дека се спроведува и подолгорочен план од 2024 до 2030 година.
Во однос на прашањето на Исмаил дали е крајно време да и се одземе привремено А инегративната дозвола на УСЈЕ додека не се реши исходот од кривичната пријава поднесена од градоначалничката на Град Скопје Данела Арсовска, Хоџа рече дека бидејќи само еден ден е министер на пратеникот ќе му одговори писмено.
