Зошто Јанушев дозволи автобусите на ЈСП да се користат за приватни цели?

Од:

Возачите на автобуси вработени во Јавното сообраќајно претпријатие денеска протестираа пред седиштето на СДСМ наводно за да изразат револт од тоа што автобус на претпријатието бил превртен ноќта на 5-ти мај по протестите пред Владата. Вработените во јавното претпријатие при тоа ја злоупотребија јавната сопственост за да го искажат своето незадоволство од опозицијата иако протестите беа спонтани и непартиски.

dobivaj vesti na viber

Наместо да им служат на патниците во сообраќајот, автобусите се најдоа пред партиското седиште со што беа искористени за лични цели иако е тоа прекршување на законите. Правото на протест е уставно загарантирано право на секој граѓанин, но не е дозволено употреба на јавна сопственост за лични потреби. Законот за спречување на корупција корупција изрично го забранува тоа во членот 25.

„Избран или именуван функционер, службено лице и одговорно лице во Јавно претпријатие, јавна установа и друго правно лице што располага со државен капитал е должно да ги чува државните средства што му се доверени и со нив да располага на најекономичен начин и за однапред определените намени. Забрането е средствата да се користат за приватни цели или да се даваат на друг на користење“, стои во законот.

Ова повлекува одговорност и кај шоферите, но и кај директорот на јавното претпријатие кој дозволил злоупотреба на имотот на претпријатието. Денеска неколку пати се обидовме да исконтактираме со директорот, Игор Јанушев но не ни одговори на повиците.

Корисниците на социјалните мрежи од утринава го исмеваат овој протест затоа што го има карактерот на контра акциите кои ги прави власта по граѓанските протести. Името на новиот директор на ЈСП, Јанушев, пак, според она што го кажа СДСМ. се појавува во една од бомбите на опозицијата која покажува негова наводна вмешаност во фалсификување на лични карти за време на предизборието.

Разговор помеѓу Миле Јанакиески и Маријан Наковски (началник на СВР Струмица)

МЈ: Маријан?
МН: Повели министре.
МЈ: А бе има 300 лични карти за Струмица. Во тек си?
МН: За да се прават или треба да стигнат?
МЈ: Да се прават.
МН: Ууфф…
МЈ: Ај слушни се од кај мене со Игор Јанушев, чекај да ти дадам број.
МН: Ајде.

М.В.

Би можело да ве интересира

Жичарницата и автобусите до Водно, времено нема да бидат во функција

А1он

ЈСП: Донесена е одлука за зголемување на платите, политички мотивиран е најавениот протест

Ана Ололовска

Александар Стојковски е новиот Директор во ЈСП Скопје

Ана Ололовска

Град Скопје: СДСМ зборува за претпријатието кое го руинираше и го остави со 3,9 милиони евра финансиска дупка

А1он

Се запали автобус на ЈСП во Нерези

Илиевски: Од петок започнува бесплатниот превоз за возрасни лица

Ана Ололовска