Зоре Темелковски, спортски работник и татко на актуелниот градоначалник на Општина Кисела Вода, Филип Темелковски денеска на Комисијата за избори и именувања по предлог на СДСМ беше предложен за член на одборот за доделување на спортската награда 8 септември.
На овој предлог остро реагираше пратеникот од ВМРО-ДПМНЕ, Трајче Димков кој рече дека владејачката СДСМ се обидува да ја партизира најчистата работа која остана во државата по што побара Темелковски да биде одземен од листата, но предлогот беше одбиен.
-Едниот син е градоначалник, другиот е спортски директор на КФМ, дали само семејството Темелковски треба да бидат во спортот. Зошто покрај толку истакнати спортисти баш Зоре Темелковски да биде член на одборот. Зошто и ова што беше најчисто треба да се извалка, запраша Димков.
Од листата на кандидати за членови на одброто беше тргнат докторот и алпинист, Јовица Угриновски, а на негово место по предлог на пратеникот Ејуп Алими ќе биде поставен Шабан Трстена, албански борец.
Претседателот на Комисијата, Илија Димовски реагираше на одлуката на членовите на Комисијата, Зоре Темелковски да биде во одборот, а Угриновски да биде тргнат велејќи дека вредносниот систем во Македонија е измешан со години.
Виктор Јованов