Зоран Милески – Кичеец бил на 30-дневно отсуство поради неодложни лекарски прегледи

Од:

Зоран Милески – Кичеец, кој издржува затворска казна за случајот „Рекет“ во затворот во Струга, според болнични извори, е еден од учесниците во сообаќајната несреќа, која се случи попладневно на магистралниот пат Кичево-Гостивар во близина на Новоселски гробишта.

dobivaj vesti na viber

Во сообраќајната несреќа едно лице загина, а седум се повредени, од кои четири потешко, поради што се пренесени на Клиничкиот Центар во Скопје.

За тоа како Кичеец се нашол на слобода официјално од Управата за извршување на санкции велат дека тој користел 30-дневно отсуство од затвор поради неодложни лекарски прегледи.

-Со одлука на Управата за извршување санкции, лицето Зоран Милески користи 30-дневно отсуство од затвор поради неодложни лекарски прегледи. Определеното време за медицински испитувања е од 08.08 до 08.09, се вели во одговорот од Управата.

Милески казната затвор ја издржува во отвореното одделение во затворот во Струга.

-Тој веќе има издржано повеќе од половина од затворската казна и до 08.09 треба да се врати на доиздржување на затворската казна, се нагласува во официјалниот одговор на Управата.

Зоран Милески призна вина за случајот „Рекет“, во кој се осудени и Катица Јанева и Бојан Јовановски и спогодбено доби најниската затворска казна. Милески е осуден на три години затвор, откако во декември 2019 година го призна делото за случајот „Рекет“ – примање награда за противзаконито влијание.

Тој на 26 октомври 2020 влезе во Казнено поправниот дом (КПД) Струга за отслужување на правосилната затворска казна од три години.

Би можело да ве интересира

Прегазен малолетник во Прилеп, возачот избегал

Еден загинат во тешка сообраќајна несреќа на патот Кичево-Охрид

Катерина Павлова-Николовска

ВИДЕО: Во тешка сообраќајна несреќа кај Нови Сад повредени се две жени и две деца од Македонија

Катерина Павлова-Николовска

Тешко повредени двајца пешаци од Беровско, откако во нив удрил автомобил

Ана Ололовска

МВР со детали за вчерашната сообраќајка во Прилеп: Повредени 40 лица

Ана Ололовска

Две лица се тешко и уште неколкумина лесно повредени по судар на два автобуса во Прилеп

Маја Илиевска-Пачемска