Кандидатот за градоначалник од Коалицијата „За подобра Македонија“ Зоран Ѓорѓиевски и носителот на листата Драган Петковски, денеска остварија средба со стопанствениците од чевларските претпријатија на која потенцираа дека економскиот развој е клучен во програмата за локалните избори.
– Во нашата програма стопанството има приоритет, а носечка гранка во општината е токму чевларството. Ги продолжуваме контактите со сите позначајни фирми од нашиот град кои на еден начин го презентираат Куманово во државата и пошироко. Разговаравме за нивните проблеми и за начинот на кој локалната власт може да помогне во контактите меѓу локалните бизнисмени и централната власт се со цел, проблемите да се надминат, вели Ѓорѓиевски.
Тој потенцира дека Куманово треба да прерасне во најзначаен центар на чевларската индустрија во регионот.
Кандидатот за градоначалник додава дека во програмата клучно е формирањето на развојно-тенхнолошка индустриска зона која ќе допринесе за намалување на бројката на невработените, а вети и отворање на канцеларии за поддршка на идни стопанаственици кои планираат да отворат мали и средни претпријатија и кои ќе допринесат за намалување на невработеноста.