ЗНМ ги достави забелешките за предложениот закон до Министерството за информатичко општество преку кои бара текстот да се повлече, а Владата да изготви измени и дополнувања на Законот за радиодифузна дејност, со кои ќе се вгради Европската директива за аудивизуелни медиумски услуги. Според ЗНМ, предлог – законот за медиуми е во спротивност со духот на Уставот и европските стандарди на Советот на Европа кои гарантираат слобода на изразување.
– За потребата за подобрување на медиумската легислатива треба да се отвори широка расправа во која ќе се детектираат слабостите на законите и ќе се понудат нови решенија за подобрување на амбиентот за работа на новинарите и на медиумите – стои во соопштението на ЗНМ.
Забелешките за новиот предлог – закон произлегуваат како резултат од јавната дебата што ЗНМ ја организира со новинарите во текот на април и мај.
Финалната конферецнија за Нацрт законот ЗНМ заедно со Македонксииот институт за медиуми, ќе ја организира на 6 мај во Скопје, каде експертот на Советот на Европа, Бернхард Мовес, ќе ги престави забелешките од анализата на тесктот на законот.
Петар Клинчарски